Apple talyplar üçin arzan noutbuklary öndürer

  • 09.09.2023 19:54
  • 12k+

«Apple» kompaniýasy «Google Chromebook» arzan noutbugy bilen bäsleşjek täze noutbuk çykarmagy meýilleşdirýär. Bu barada DigiTimes portaly habar berýär.

Bellenilmegine görä, «Apple-iň» arzan noutbugy demir korpusa eýe bolar we bahasy 1000 dollardan arzan bolar. Bu kompaniýanyň ygtybarly we elýeterli kompýuterler talap edilýän bilim pudagyndan we orta işewürlikden müşderileri çekmegine mümkinçilik berer. Häzirki wagtda kompaniýa öz «iPad-lary» üçin ýörite bilim edaralary üçin niýetlenen nyrhlary hödürleýär.
«DigiTimes» «Apple-iň» esasy üpjün edijileri bolan «Quanta Computer» we «Foxconn» kompaniýalaryndan täze noutbuk üçin gurluşlary sargyt edendigini belleýär. Täze önümiň 2024-nji ýylyň ikinji ýarymynda satuwa çykarylmagyna garaşylýar.
Häzirki wagtda «Apple» noutbuklary iki nusgada hödürlenýär: «MacBook Air» we «MacBook Pro». Olaryň bahalary, degişlilikde, 999 dollardan we 1299 dollardan başlanýar.


düýn 10:45
3.8k+

“Tanyş görünýär”: Samsung iOS 26-nyň täze funksiýalarynyň anonsy üçin Apple-i ýene ýaňsylady

Samsung-yň amerikan bölümçesi iOS 26-nyň tanyşdyrylyşyna seslenip, bäsdeşini ýene ýaňsylamak mümkinçiligini elden bermedi. WWDC 2025 konferensiýasynyň dowamynda Apple täzelenen operasion ulgamlary we emeli aňa esaslanýan täze funksiýalary hödürledi...

düýn 10:38
832

Google Chrome täzelenmeleri käbir köne iPhone we iPad modelleri üçin elýeterli bolmaz

Meşhur Google Chrome brauzeri indi köne Apple enjamlarynda täzelenmez. MacRumors portalynyň habar bermegine görä, bu birnäçe iPhone we iPad modellerine degişli bolar. Deslapky maglumatlara görä, geljekki Chrome wersiýalary aşakdaky enjamlary goldamaz: iPhone X; iPhone 8; iPhone 8 Plus; 5-nji nesil iPad; Birinji nesil 9,7 dýuýmlyk iPad Pro; Birinji nesil 12,9 dýuýmlyk iPad Pro...

12.06.2025 12:35
4.3k+

Apple-yň WWDC 2025 tanyşdyrylyşy soňky 10 ýylda iň gysgasy boldy

Apple-iň WWDC 2025 konferensiýasyndaky tanyşdyrylyşy 92 minut dowam etdi – bu soňky on ýylda iň gysga tanyşdyrylyş diýlip, kompaniýanyň resmi YouTube kanalynda habar berilýär. 2015-nji ýyldan 2019-njy ýyl aralygynda tanyşdyrylyşyň dowamlylygy 140 – 145 minut boldy...

11.06.2025 12:56
1.6k+

Xiaomi Apple-yň ýoluna eýerýär: kompaniýanyň indiki operasion ulgamynyň ady HyperOS 26 bolar

Geçen aýyň ahyrynda Bloomberg agentliginiň žurnalisti Mark Gurman Apple-yň operasion ulgamlaryna at beriş düzgünini üýtgetjekdigini aýdypdy. Indi bolsa, Hytaýyň Xiaomi kompaniýasynyň hem şeýle düzgüne geçmäge taýýarlanýandygy mälim boldy...