Prezident Serdar Berdimuhamedow Marokkanyň Patyşasy Mohammed VI-ä Marokko Patyşalygynda bolup geçen, köp sanly adam pidalaryna we şikes ýetmelerine, uly weýrançylyklara getiren güýçli ýertitremesi zerarly çuňňur gynanjyny bildirdi.
Döwlet Baştutany şu agyr pursatda Türkmenistanyň halkynyň we Hökümetiniň adyndan, şeýle hem hut öz adyndan gurban bolanlaryň maşgalalaryna, dogan-garyndaşlaryna hem-de ýakynlaryna çuňňur gynanjyny, medet beriji sözlerini ýetirdi we ejir çekenlere tiz wagtda sagalmaklaryny dileg etdi.
Anna güni Marokkoda bolup geçen ýertitremesiniň pidalarynyň sany 1037 adama ýetdi, 1204 adam şikes aldy. Bu barada Patyşalygyň telewideniýesi habar berdi.
