Demirgazyk ýarym şarynyň ýaşaýjylary 2023-nji ýylyň awgust aýynda açylan 437 ýyldan bir gezek Nisimura kometasyny görmek mümkinçiligini gazanarlar. Onuň gözýetimde bolýan iň ýokary derejesi indiki dynç günleri bolar. Bu barada “Guardian” habar berýär diýip, rbclife.ru belleýär.
Nisimura kometasy 17-nji sentýabrda Güne iň ýakyn ýerden geçip, ondan 33 mln km uzaklykda bolar. Şondan soň ol Ýeriň golaýyndan 125 mln km aralykda geçer.
Alymlar asman jisimini oňyn howa şertlerinde ýönekeý göz bilen görüp boljakdygyny belleýärler. Kometany düzüminde tozana garanda gazyň köpdügi sebäpli eýe bolýan ýaşylymtyl guýrugy bilen kesgitläp bolar.
“Iň gowusy – Weneradan çep tarapda demirgazyk-gündogar ugurda Gün dogmazyndan ozal asmana seretmekdir” – diýip, Pariž obserwatoriýasynyň astrofizigi Nikolýa Biwer belleýär.
C/2023 P1 ylmy adyny alan Nisimura kometasy 11-nji awgustda ýüze çykaryldy. Ol ony tapan astronom-söýüji Hideo Nisimuranyň hormatyna atlandyryldy.
