Kanar adalarynda sekiz sagatlyk taýmlaps düşürildi we onda Ýeriň aýlanyşy görünýär. Wideonyň awtory tinmar_g lakamly Reddit ulanyjysy boldy. Ol La-Palmas adasynda kamera gurnady we Star Adventurer astrotrekeriniň kömegi bilen ony asmanyň bir nokadyna gönükdirdi.
Şeýle çemeleşmäniň netijesinde kadrda ýyldyzlar hereketsiz durýar we hakykatda bolşy ýaly Ýeriň özüniň aýlanýan ýagdaýy emele gelýär.
Obýektiwe dumanly gaýalar, süýşüp gelýän bulutlar we atmosferanyň ýaşyl öwüşgini düşdi, käwagt golaýdan geçip barýan ulaglaryň çyralaryny-da görmek bolýar.
Wideo sekiz sagat dowam edýär we açyk kosmosdan planeta syn edýän ýaly duýgy döreýär.
