«Mortal Kombat 1» söweş oýnunyň awtorlary Nitara atly gahrymanyň keşbini meşhur aktrisa we model Megan Foksyň ýerine ýetirendigini habar berdiler. Bu barada oýnuň resmi kanalynda ýerleşdirilen wideoda habar berildi.
Megan Foks diňe bir wampir söweşijä ses bermän, eýsem, öz keşbini hem sowgat berdi – işläp düzüjiler Nitarany aktrisanyň keşbinde we oňa meňzeş görnüşde döretdiler.
Nitara ilkinji gezek «Mortal Kombat» oýunlar toplumynyň 2002-nji ýylda çykan «Mortal Kombat: Deadly Alliance» oýnunda peýda boldy. Ol Waternus äleminden bolan gan bilen iýmitlenýän hakyky wampirdir, ýöne beýleki wampirlerden tapawutlylykda, Nitara otrisatel gahryman däl, ol öz halkyna hyzmat edýär.
«Mortal Kombat 1» 19-njy sentýabrda çykar we şahsy kompýuterler, «PlayStation 5», «Xbox Series X/S» hem-de «Nintendo Switch» oýun enjamlarynda elýeterli bolar.
