Ýewrokuboklar diňe bir abraý däl-de, eýsem puldur. Bu ýaryşlaryň gatnaşyjylara goşmaça näçe pul getirýändigi barada bombardir.ru aşakdaky maglumatlary berýär.
Çempionlar ligasy – 2023/24 näçe pul getirer?
Bu ýaryşyň umumy baýrak gaznasy – 2 mlrd ýewro. Onuň bölünişi şeýle (maglumatlar AS saýtyndan):
- - Her klub 15,64 mln ýewrodan alar;
- - Toparlaýyn tapgyrda ýeňiş – 2,8 mln ýewro;
- - Toparlaýyn tapgyrda deňme-deňlik – 900 müň ýewro;
- - 1/8 finala çykmak – 9,6 mln ýewro;
- - Dörtden bir finala çykmak – 10,6 mln ýewro;
- - Ýarym finala çykmak – 12,5 mln ýewro;
- - Finala çykmak – 15,5 mln ýewro;
- - ÇL-de ýeňiş – ýene 4,5 mln ýewro.
Goşmaça tölegler – klublaryň oýunlaryny görkezmek hukugy üçin 330,3 mln möçberli fond. Ol aýratyn toparlar bilen oýunlaryň görkezilmeginiň meşhurlygyna baglylykda paýlanýar.
Ýeri gelende bellesek, Çempionlar ligasynyň toparlaýyn tapgyry häzirki formatda soňky gezek geçirilýär. Indiki möwsümden başlap bir umumy liga bolar.
Ýewropa ligasy – 2023/24 näçe girdeji getirer?
Umumy baýrak gaznasy – 465 mln ýewro. Bölünişi şeýle görnüşde:
- - Toparlaýyn tapgyra çykmak – 3,63 mln ýewro;
- - Toparda ýeňiş – 630 müň ýewro;
- - Toparda deňme-deňlik – 210 müň ýewro;
- - Toparda 1-nji ýer – 1,1 mln ýewro;
- - Toparda 2-nji ýer – 550 müň ýewro;
- - Pleý-offa çykmak – 500 müň ýewro;
- - 1/8 finala çykmak – 1,2 mln ýewro;
- - Dörtden bir finala çykmak – 1,8 mln ýewro;
- - Ýarym finala çykmak – 2,8 mln ýewro;
- - 2-nji ýer – 4,6 mln ýewro;
- - Ýeňiş – 8,6 mln ýewro.
Konferensiýalaryň ligasy – 2023/24 näçe pul getirer?
Häzirlikçe umumy girdejiniň paýlanyş derejesi barada resmi çeşmelerden ýa-da ygtybarly medialardan takyk maglumatlar ýok. Ýöne dürli çeşmeler ýaryşyň baýrak gaznasynyň 235 mln ýewrodygyny ýazýarlar. Geçen ýyl bilen deňeşdirilende, ol 6,7% artdy.
