Xiaomi-niň esaslandyryjysy we ýerine ýetiriji direktory Leý Szýun, X-iň (öňki Twitter) sahypasynda Leica kameraly Xiaomi 13T smartfon setirini görkezjek indiki tanyşdyryş senesini yglan etdi.
Xiaomi 13T we 13T Pro-nyň resmi tanyşdyrylyşy 26-njy sentýabrda Berlinde bolar. Täze smartfonlaryň Hytaýda ozal hödürlenen, biraz üýtgedilen Redmi K60 Ultra pisint bolmagyna garaşylýar.
Myş-myşlara görä, Xiaomi 13T Pro 1,5K durulykda we 144Hz täzeleniş tizligi bilen 6,67 dýuýmlyk OLED ekrany alar. Ekranda iň ýokary ýagtylygy 2600 nit bolar, bu bolsa iPhone 14 Pro Max -dan 600 nit ýokarydyr.
Dimensity 9200+ çipi, 12 we 16 GB RAM, şeýle hem 256, 512 GB we 1 TB göwrümli içerki ammar enjamyň işleýşine jogapkärdir. Esasy Xiaomi 13T bilen Pro wersiýasynyň arasyndaky esasy tapawutlar Full HD ekrany we subflagman Dimensity 8200 Ultra çipiniň ulanylýanlygyndadyr.
Xiaomi 13T seriýaly enjamlar kompaniýanyň MediaTek çipli we Leica kameraly ilkinji smartfonlary bolar. Täze smartfonlara optiki şekil stabilizasiýasy (OIS) bilen 50 megapikselli Sony IMX707-iň esasy datçigi degişlidir we 13 megapiksel durulykda ultra giň burçly modul bilen üsti ýetiriler. Şeýle hem, flagman modeli 50MP teleobýektiwini hödürläp biler.
Şeýle hem, smartfonlaryň 13T we 13T Pro-da 67 hem-de 120 Wt çalt zarýad bermegi we standart boýunça IP68 goragly 5000 mAh akkumulýator aljakdygy mälimdir.
