Sişenbe güni Nýu-Ýorkda BMG-niň Baş Assambleýasynyň (BA) 78-nji mejlisi açylar. Adatça, bir ýyl dowam etjek mejlisiň gün tertibinde esasy halkara meseleleri we gapma-garşylyklar, howanyň üýtgemegi, durnukly ösüş we ösüp gelýän ýurtlaryň karz meselesini ýeňip geçmek ýaly meseleler bar.
Baş Assambleýanyň esasy wakasy 19-25-nji sentýabr aralygynda geçiriljek ýokary derejeli hepdelik bolar. Oňa dünýäniň dürli künjeklerinden ýurt Baştutanlary we daşary işler ministrleri gelip, özleriniň halkara ýagdaýyna bolan garaýyşlaryny mälim ederler we ählumumy kynçylyklara garşy göreşiň ugurlaryny teklip ederler.
Sişenbe güni ýerli wagt bilen sagat 10:00-da (Aşgabat wagty bilen sagat 19:00) Baş Assambleýanyň 77-nji mejlisiniň ýapylyş ýygnagy bolar. Onda BMG-niň BA-nyň mejlisiniň gidýän başlygy, Wengriýa wekilçilik edýän Çaba Köröşi özüniň bir ýyllyk işini jemlär. Soňra başlyklygy Trinidad we Tobago respublikasynyň wekili Dennis Frensise tabşyrar.
Sagat 15:00-da (Aşgabat wagty bilen sagat 00:00-da) BMG-niň Baş Assambleýasynyň 78-nji mejlisiniň tehniki häsiýete eýe bolan ilkinji ýygnagy geçer. Frensis başlyklygyny nähili alyp barjakdygyny, işiniň maksatlaryny we usullaryny mälim eder.
