Çikago uniwersitetiniň Energetika syýasaty institutynyň (EPIC) gözlegçileri iň hapa howaly ýurtlaryň sanawyny çap etdi. Aziýa we Afrika ýurtlary anti-reýtingde öňde bolmaklaryny dowam etdirýärler.
Howanyň hiliniň ýyllyk görkezijisinden (AQLI) çen alsaň, Bangladeşde, Hindistanda, Pakistanda, Hytaýda, Nigeriýada we Indoneziýada ýaşaýan adamlaryň janynyň we saglygynyň howp astyndadygy görünýär.
Hünärmenler, atmosferadaky PM 2,5 toz bölejikleriniň konsentrasiýasyna baha bermek bilen, şeýle netijä geldiler.
Gözlegçileriň bellemegine görä, Günorta Aziýada PM2,5-iň derejesi 2013-nji ýyldan bäri, takmynan, 10% ýokarlanypdyr – şunuň bilen bagly sebitde adam ömrüniň ortaça uzaklygy, takmynan, bäş ýyl kemeldi.
Merkezi we Günbatar Afrikada energiýanyň sarp edilişiniň artmagy bilen, howanyň gaty bölejikler bilen hapalanmasy, AIW/AIDS ýa-da gyzzyrma kimin, adamlar üçin çynlakaý howpa öwrüldi diýip, bilermenler belleýärler.
