Orta arzanlykdaky «Tecno Phantom V Flip» eplenýän smartfon 2023-nji ýylyň dördünji çärýeginde çykar. Bu barada Gizmochina portaly habar berýär.
Çeşme «Tecno» eplenýän smartfonuň täze karbon reňkindäki suratyny paýlaşdy we «Phantom V Flip-iň» güýzüň ortasynda ýa-da ahyrynda çykjakdygyny mälim etdi.
Bellenilmegine görä, «Tecno Phantom V Flip» eplenýän smartfonunda taraplary 20,5:9 gatnaşykda bolan we 144 Gs täzeleniş tizligi bilen 6,5 dýuýmlyk Full HD+ durulykdaky AMOLED ekrany ýerleşdiriler. Yzky gapakda ýerleşýän daşarky tegelek displeý 466x466 piksel durulykda bolar we enjamyň gyrasyna barmak yzy skaneri ýerleşdiriler.
Täze önümiň netijeliligine «MediaTek Dimensity 8050» subflagman çipi, 8 GB operatiw ýat we 256 GB goşmaça ýat jogap berer. Smartfon 64 MP esasy datçik we 13 MP ultra giň burçly sensor bilen goşa kamera bilen üpjün ediler. Selfi kamerasy 32 megapiksel durulykdaky datçik bilen hödürlener. «Tecno Phantom V Flip» 66 Wt çalt zarýad bermegi goldaýan 4000 mAs sygymly akkumulýator we «HiOS 13» belgili Android 13 ulgamy bilen üpjün ediler.
Käbir çeşmeler bu täze önümiň eplenýän smartfonlaryň iň arzan wekilleriniň birine öwrülip biljekdigini belleýärler.
