Warner Bros. studiosynyň berýän habaryna görä, Margo Robbiniň çykyş eden “Barbi” komediýasy dünýäde 1,36 milliard dollar girdeji gazandy. Bu 2023-nji ýylyň iň uly netijesidir.
Ondan öň iň köp girdeji gazanan taslama adyny “Superdoganlar Mario kinoda” (1,359 milliard dollar) multfilmi eýeläp gelýärdi. Bu netijäni gazanmak üçin “Barbä” bir aýdan gowrak wagt gerek boldy: iýul aýynda ekranlara çykan bu film Demirgazyk Amerikada 600 million dollar, halkara sebitlerinde 750 million dollardan gowrak girdeji gazandy.
Şol aralykda, Kristofer Nolanyň “Oppengeýmer” filmi dünýädäki kassa ýygymynda 800 million dollardan geçdi. Geljek hepde baýopik, “Başlangyç”-dan (837 million dollar) geçip, režissýoryň karýerasyndaky iň köp girdeji gazanan üçünji film bolar.
