Hytaýda «Zeekr 001» liftbeginiň «FR» belgili sport görnüşi tanyşdyryldy. Bu barada carnewschina.com habar berýär.
Täze nusga adaty görnüşden uly trapesiýa şekilli howa germewi we gyzyl zolagy bolan başga görnüşli bamper bilen tapawutlanýar. «001 FR-niň» arka tarapynda basyş güýjüni artdyrýan uly spoýler ýerleşdirilipdir.
Awtoulag dört sany elektrik hereketlendirijisinden (her tigir üçin biri) ybarat elektrik güýç ulgamy bilen üpjün edildi. Olaryň umumy kuwwaty 1247 at güýjüne deňdir. Ulagyň iň ýokary tizligi sagatda 280 km-dir. «Zeekr 001 FR» 0-dan 100 km/sag tizlige 2,07 sekuntda ýetýär, bu bolsa ony dünýäniň iň ýyndam awtoulaglarynyň birine öwürýär. Bu babatda onuň iň ýakyn bäsdeşi «Tesla Model S Plaid» ulagynyň görkezijisi 2,1 sekuntdyr.
Awtoulagyň zarýady 10%-den 80%-e 15 minutda çykýar.
