Saud Arabystanynyň Futbol çempionatynyň bäşinji tapgyrynyň myhman oýnunda “Al-Nasr” 5:1 hasabynda “Al-Hazmy” ýeňdi.
Portugaliýaly hüjümçi Kriştianu Ronaldu ýeňijileriň düzüminde bir pökgi geçirdi. Hüjümçi üçin bu gol resmi oýunlardaky karýerasyndaky 850-nji boldy. Ronaldu bu görkeziji boýunça rekord eýesidir. Ikinji ýeri Amerikanyň “Inter Maýami”-sinde oýnaýan argentinaly hüjümçi Lionel Messi (818) eýeleýär.
Ronaldu 38 ýaşynda, “Altyn top”-yň bäş gezek ýeňijisi, Çempionlar ligasynyň bäş gezek ýeňijisi, Ýewropanyň çempiony, Milletler ligasynyň ýeňijisi. Portugaliýaly oýunçy milli ýygyndylaryň, Ýewropa çempionatlarynyň, Çempionlar ligasynyň, klublar arasy dünýä çempionatlarynyň taryhynda iň köp pökgi geçiren oýunçydyr. Ispaniýanyň “Real Madrid”-iniň düzüminde oýunçy 450 pökgi geçirip, klubuň rekordçysy boldy. Şeýle hem, futbolçy iňlis “Mançester Ýunaýted”-iniň (145 gol), italýanlaryň “Ýuwentus”-ynyň (101), Portugaliýanyň “Sporting” (5) toparlarynyň düzüminde oýnady. Portugaliýanyň milli ýygyndysy üçin hüjümçi 123 gezek pökgi geçirdi.
Bäş tapgyryň netijelerinden soň "Al-Nasr" Saud Arabystanynyň çempionatynyň sanawynda altynjy orny eýeleýär. Topar indiki oýnuny 16-njy sentýabrda “Al Raed” bilen oýnar.
