Aktýor Sergeý Garmaş «Çeburaşkany» döredijileriň filmiň dowamynyň üstünde işleýändiklerini belledi. Aktýoryň aýtmagyna görä, häzirki wagtda geljekki taslama üçin ssenariýany döretmek boýunça işler alnyp barylýar.
Garmaş ilkinji filmiň gowy ssenarisiniň bolmagy onuň üstünligine täsir edendigini sözüniň üstüne goşdy. «Çeburaşka» filmi 1-nji ýanwarda rus kinoteatrlarynda çykdy we ýurduň prokatynyň taryhynda iň köp girdeji gazanan film boldy. Film Russiýada we GDA ýurtlarynda 7 milliard rubl toplady.
Film Çeburaşkanyň deňziň ýakasyndaky kiçijik şäherçedäki başdan geçirmeleri barada gürrüň berýär, ol bu ýere apelsin baglary bolan uzak ýurtdan tötänlikde düşýär. Apelsini gowy görýän gülkünç haýwanjyk hakyndaky filmiň baş keşplerini Sergeý Garmaş, Ýelena Ýakowlewa, Polina Maksimowa, Fýodor Dobronrawow, Sergeý Lawygin we beýlekiler janlandyrdylar. Çeburaşka aktrisa Olga Kuzmina ses berdi.
