Ummandaky zyňyndylardan ekologik taýdan arassa Günden goraýjy äýnekler öndürildi

  • 02.09.2023 18:06
  • 18k+

«Pangea» brendi «Kickstarter» platformasynda ummandaky zyňyndylaryndan ýasalan ekologiýa taýdan arassa «OceanGuard» atly Gün şöhlesinden goraýjy äýneklerini tanyşdyrdy. Şeýlelik bilen, höwesjeňler Ýeri köp sanly galyndylardan arassalamagy maksat edinýärler.

Aksessuary döretmek üçin işläp düzüjiler NanoFlex tehnologiýasyny döretdiler, onuň kömegi bilen plastik galyndylary ýokary hilli polipropilene öwürmek mümkindir. Alnan material şol bir wagtyň özünde çeýeligi, aşa güýçlüligi we ýeňilligi bilen tapawutlanýar.
Önümiň döredilmegine ozal «North Face», «Gucci», «Diesel» we «Puma» brendleri bilen işlän italýan dizaýneri Alessandro de Monte gatnaşdy. Äýnekleriň çarçuwalary Balide elde ýasalýar, bu ýerde brendiň ýörite Innowasiýalar merkezi döredildi. Kompaniýanyň wekilleri bu önümçilik usulynyň her çarçuwanyň özboluşly we «dünýäde ýeke-täk» bolmagyna kömek edýändigini bellediler.
«Pangea» brendi ABŞ-dan, Argentinadan we Kolumbiýadan üç syýahatçy tarapyndan esaslandyryldy. Olar planetany zibillerden arassalamaga kömek etjek syýahatçylyk önümlerini döretmegi öz wezipeleri hasaplaýarlar. Şeýle-de bu brendi esaslandyranlar öz öňlerinde 1 million agaç ekmek we her ýurtda azyndan bir köpçülikleýin zibil ýygnamak çäresini guramak ýaly birnäçe iri maksatlary goýdular.
Alymlar munuň öňüsyrasynda her ýyl dünýä ummanlaryna, takmynan, 500 müň tonna plastik zyňyndylaryň düşýändigini habar berdiler. Şu güne çenli olaryň suwdaky umumy mukdary 25 million tonnadan gowrak diýlip çaklanylýar, şol bir wagtyň özünde, plastik bölekleriň köpüsi onlarça ýyllaryň dowamynda ummanyň üstünde ýüzýär.
2022-nji ýylyň dekabrynda Ewerestiň depesiniň 2030-njy ýyla çenli zibillerden arassalanjakdygy mälim edildi. Muny «Bally» şweýsar aýakgap brendi «Bally Peak Outlook» maksatnamasynyň çäklerinde amala aşyrar. Bu çäre nepally alpinist Tensing Norgeýiň Ewereste ilkinji gezek çykmagynyň 70 ýyllygyna bagyşlanar. Şonda türgen «Bally» brendiniň köwşüni geýipdi. Brendiň habar bermegine görä, maksatnama 2030-njy ýyla çenli durmuşa geçiriler.


22.06.2025 11:53
10k+

Ueddell düwlenleriniň populýasiýasy deňiz buzunyň eremegi sebäpli iki esseden gowrak azaldy

Antarktikadaky Ueddell düwlenleriniň populýasiýasy 1977-nji ýyldan bäri 54% azaldy. Bu barada Global Change Biology žurnalyndaky gözlege salgylanyp, The Guardian habar berýär. Gözegçilik 1970-nji ýyllardan bäri subantarktika sebitinde, aýratynam, Signýu adasynda deňiz süýdemdirijileriniň sanyny öwrenýän Britaniýanyň antarktika gullugynyň (BAS) hünärmenleri tarapyndan geçirildi...

17.06.2025 13:47
6.9k+

BMG-niň Bütindünýä ummanlar güni mynasybetli geçiren surat bäsleşiginiň ýeňijileri yglan edildi

BMG-niň Bütindünýä ummanlar güni (8-nji iýun) mynasybetli geçiren 12-nji «UNWOD» (United Nations World Oceans Day) surat bäsleşiginiň ýeňijileri yglan edildi. Bäsleşigiň emin agzalary dört nominasiýa boýunça iň gowy işleri saýladylar...

08.06.2025 11:13
9.5k+

Plastik topraga, howa we jandarlaryň bedenine aralaşdy – ol eýýäm iýmit zynjyryny üýtgedýär

Täze ylmy gözleg plastik hapalanmasynyň diňe bir ummanlaryň ekoulgamyna däl, eýsem planetanyň materik bölegine-de zyýan ýetirýändigini görkezdi. London uniwersitetiniň alymlarynyň maglumatlaryna görä, plastik eýýäm ýerüsti ekoulgamlara aralaşyp, ownuk süýdemdirijiler, mör-möjekler we oňurgasyzlar üçin howp döredýär diýip, Phys...

27.05.2025 13:34
13k+

Gorkunç rekord: deňiz guşunyň jüýjesiniň da:şlygyndan 778 bölek plastik tapyldy

Awstraliýaly barlagçylar ölen inçeçüňk deňiz guşunyň (Ardenna tenuirostris) jüýjesiniň daşlygyndan rekord mukdarda - 778 bölek plastik galyndylaryny tapdylar. Howsala döredýän açyş barada Awstraliýanyň gündogar kenaryndaky Lord-Hau adasynda deňiz guşlaryna gözegçilik edýän alymlar habar berdi...