Germaniýanyň milli ýygyndysynyň düzüminde dünýä çempiony Miroslaw Kloze Ýewropanyň Futbol assosiasiýalarynyň birleşiginiň (UEFA) prezidentiniň baýragynyň eýesi boldy. Bu barada guramanyň resmi saýtyna salgylanyp, rsport.ria.ru habar berýär. Baýrak öňki futbolça 31-nji awgustda Monakoda geçiriljek 2023/24-möwsüminiň Çempionlar ligasynyň toparlaýyn tapgyrynyň bije çekişik dabarasynda gowşurylar.
Kloze 45 ýaşynda. Ol Braziliýadaky dünýä çempionatynyň (2014) ýeňijisi boldy. Şeýle-de, ol dünýä birinjilikleriniň kümüş (2002) we iki gezek bürünç baýrakçysydyr (2006, 2010). Ýewropa çempionatlarynda hüjümçi kümüş (2008) we bürünç (2012) baýraklaryny aldy. Kloze 16 gol bilen dünýä çempionatlarynyň taryhynda iň gowy bombardirdir. Umuman, onuň hasabynda Germaniýanyň milli ýygyndysy üçin 137 oýunda 71 gol bar. Klub derejesinde ol Germaniýanyň “Homburg”, “Kaýzerslautern”, “Werder”, “Bawariýa” toparlarynda we Italiýanyň “Lasio” toparynda oýnady.
