Billboard-yň habar bermegine görä, Şakira MTV-niň abraýly Video Vanguard Award (ýa-da Lifetime Achievement Award) baýragy bilen sylaglanar. Baýrak gowşurylyş dabarasy 12-nji sentýabrda Nýuarkdaky Prudenşal merkezinde bolar.
Ol baýragy bu kategoriýa boýunça alan ilkinji günorta amerikaly we ikinji latyn amerikaly artist (bäş ýyl ozal Jennifer Lopezden soň) bolar. Mundan başga-da, Şakira üç kategoriýasynda dalaşgär görkezildi: "Ýylyň aýdymçysy", "Iň oňat hyzmatdaşlyk" (Karol G bilen) we "Iň gowy latynamerikan pop wideosy" (TQG we Acrostico üçin iki gezek).
Neşiriň habaryna görä, soňky ýyllarda bu kategoriýada aýallar agdyklyk edýär: iň soňky erkek artist 2015-nji ýylda Kanye West bolupdy, ondan soň baýrak Rianna (2016), Pinke (2017), Lopese (2018), Missi Elliotta (2019) we Nikki Minaj (2022) gowşuryldy. 2020-21-nji ýyllarda bu baýrak hiç kime berilmedi.
Gözbaşyny 2013-nji ýyldan alyp gaýdýan däp boýunça aýdymçy baýragyň sahnasynda meşhur hitleri bilen çykyş edýär. Bu Şakiranyň Hip's Don't Lie-y ýerine ýetireninden 17 ýyldan soň MTV VMA-da ilkinji çykyşy bolar.
MTV-niň Video Vanguard Award baýragy MTV tarapyndan 1984-nji ýylda döredildi. Baýrak klipler pudagynda artistleriň we režissýorlaryň "ajaýyp goşandyny" we "çuňňur täsirini" ykrar edýär.
