Hytaýyň telekommunikasiýa enjamlaryny sertifikatlaşdyryş merkeziniň (TENAA) binýadynda «Xiaomi-niň» heniz çykarylmadyk «Redmi Note 13 Pro» we «Note 13 Pro+» subbrend smartfonlarynyň jikme-jik aýratynlyklary peýda boldy. Bu barada MySmartPrice portaly habar berýär.
Çeşmäniň bellemegine görä, smartfonlaryň häsiýetnamalary köp babatda meňzeş bolar: 144 Gs şekil täzeleniş tizligi bolan 1,5K durulykly (2712x1220 piksel) 6,7 dýuýmlyk OLED displeýleri bilen üpjün edilerler.
Enjamlaryň goşmaça ýady 128 GB-dan 1 TB çenli sygym mümkinçiligi bilen hödürlener. «Redmi Note 13 Pro-nyň» operatiw ýady 6-dan 16 GB aralygynda, uly nusgasynyňky bolsa 8 GB-dan 18 GB-a çenli bolar.
Mundan başga-da, «Redmi Note 13 Pro» nesliniň iki smartfony hem 200MP mümkinçilikli esasy kamera, 8MP ultra giň burçly datçik we 2MP durulykly kömekçi datçik bilen enjamlaşdyrylar.
«Redmi Note 13 Pro-nyň» akkumulýatorynyň sygymy 5160 mAhs, «Note 13 Pro+» smartfonyňky bolsa 5000 mAs bolar. Smartfonlaryň zarýad berijisiniň kuwwaty we ulanylan çipleriň aýratynlyklary görkezilmedi.
«Redmi Note 13 Pro» nesliniň täze önümleriniň çykjak senesi heniz belli däl.
