Ilon Maskyň Tesla kompaniýasy Los-Anjelesiň Gurluşyk we howpsuzlyk bölüminden “Diner” we “Drive-In Movie Supercharger” taslamasyny durmuşa geçirmek üçin rugsat aldy. Oňa 32 sany Supercharger zarýad beriş stansiýasy, garbanyşhana we iki sany köçe kinoteatry girer. Bu barada Teslarati habar berdi.
Taslama Golliwudda Santa Monika bulwarynda gurlar. Arhitekturasyna Arizona ştatynyň Çandler şäherinde ýerleşýän Stantec Architecture kompaniýasy jogap berer. Potratçylaryň arasynda Kaliforniýa ştatynyň Glendeýl şäheriniň PCL Construction gurluşyk kompaniýasy hem bar.
Bu toplum Tesla awtoulaglarynyň eýeleriniň awtoulaga zarýad berilýärkä oňat dynç almagy üçin dörediler. Şeýle-de bolsa, Tesla-nyň kinoteatrlarynda görkeziljek filmi müşderiler tutuşlygyna görüp bilmese gerek, sebäbi awtoulag bary-ýogy 15 minutda zarýad alar. Şonuň üçin hem bu kinoteatrlarda meşhur filmlerden parçalar görkeziler.
