«Inter Maýami» MLS çempionatyndaky oýunda Nýu-Ýorkuň «Red Bulls» toparyny ýeňdi.
Herrisonda geçirilen duşuşyk «Inter Maýaminiň» peýdasyna 2-0 hasabynda tamamlandy. Diýego Gomes 37-nji minutda hasaby açdy, Lionel Messi duşuşygyň esasy wagty gutarmazyndan bir minut öň pökgini derwezä iberip, ahyrky hasaby kesgitledi. Argentinaly hüjümçi üçin bu MLS-däki ilkinji oýun boldy.
«Inter Maýaminiň» düzüminde geçiren dokuz duşuşygyndan soň Messiniň 11 goly we 3 ýardam pasy bar. 20-nji awgustda argentinaly futbolçy Amerikadaky ilkinji kubogyny gazandy. «Inter Maýami» Ligalaryň kubogynyň eýesi boldy.
Şeýle hem «Inter Maýami» ABŞ-nyň Açyk kubogynyň finalynda «Hýustona» garşy oýnar.
Messi Fransiýanyň «Pari Sen-Žermen» toparynda iki ýyl çykyş edenden soň 2023-nji ýylyň tomsunda «Inter Maýami» toparyna geçdi. MLS-de ilkinji duşuşygynda jerime urgusyny dürs ýerine ýetirip, tapawutlanmagy başardy.
Messi ýedi gezek «Altyn topuň» ýeňijisi, Argentinanyň milli ýygyndysynyň düzüminde dünýä çempiony, 10 gezek Ispaniýanyň çempiony, iki gezek Fransiýanyň çempiony, dört gezek Çempionlar ligasynyň ýeňijisi, dünýäniň klublar çempionatynda üç gezek ýeňiji boldy.
