Türkiýäniň elektromobil öndüriji TOGG kompaniýasy önümçilik göwrümini artdyrmak kararyna geldi, ýagny 2023-nji ýylyň sentýabr aýyndan soň zawod tarapyndan her üç minutda bir awtomobil çykarylar. Bu barada TOGG kompaniýasynyň baş müdiri Mehmet Gýurkan Karakaş “Hürriyet” neşirine aýtdy. Muny rossaprimavera.ru ýetirýär.
Onuň sözlerine görä, häzire çenli bazara 2344 awtomobil iberen kompaniýa 2023-nji ýylyň awgust aýynyň ahyryna çenli bir günde 100 sany T10X awtomobilini öndürijilik kuwwatyna çykdy.
TOGG kompaniýasy islegiň birbada ýokarlanmagy bilen baglylykda sentýabr aýynyň ortalaryndan ikinji çalşyga geçer we bir günde çykarylýan awtomobilleriň sany 170-e çenli artar.
“Hepdäniň başynda biziň önümçilik görkezijilerimiz bir günde 80-100 awtomobildi. Häzir biz 100 birlige ýetdik. Diňe awgust aýynda biz geçen ýyllara garanda has köp awtomobil öndüreris. Indi bizden önümçilik göwrüminiň 28 müň awtomobile ýetmegine mümkinçilik barmy diýip soraýarlar. Elbetde, bar. Önümçiligi artdyrmagyň bir usuly – ikinji çalşyga geçmek. Adaty şertlerde biz ikinji çalşygy geljek ýyl, ýagny 2024-nji ýylda göz öňünde tutupdyk, ýöne islegiň ýokarydygyny görenimizden soň gelen netijämizi üýtgetdik” – diýip, Karakaş aýdýar.
