Amerikanyň Birleşen Ştatlarynda Altair atly pişik Ginnesiň rekordlar kitabyna girizildi. Hünärmenler bu öý haýwanynyň öý pişikleriniň arasynda iň uzyn guýruga eýedigini anykladylar.
Haýwanyň eýesi Wilýam Jon Pauers ozal Guw atly meýn-kun tohumly pişiginiň bolandygyny aýtdy. Onuň guýrugynyň uzynlygy 44,65 santimetre ýetipdir. Emma Guw 2017-nji ýylda ýangynda heläk bolupdyr. Şondan soňra amerikaly ölen meýn-kun tohumly pişiginiň öweý doganyny alypdyr we ony Altair diýip atlandyrypdyr.
Pauersiň bellemegine görä, täze haýwanyň öz doganyna meňzeşdigi ilkibaşdan mälim bolupdyr. «Edil Guwda hem bolşy ýaly, onuň çagalyk döwründe hem adatydan uzyn guýrugy bardy we ýaşy ulaldygyça guýrugy hem uzaldy» diýip, pişigiň eýesi belledi.
Ýakynda Ginnesiň rekordlar kitabynyň işgärleri amerikalynyň öýüne gelip, pişigiň guýrugynyň ölçegini aldylar. Altairiň guýrugynyň uzynlygy 41 santimetre golaý boldy.
Pauersiň maşgalasynda ýene bir rekord goýan pişigiň bardygy bellärliklidir. Fenrir atly sawanna tohumly pişik ýakynda iň beýik öý pişigi diýlip ykrar edildi, onuň boýy 47,82 santimetrdir.
