UFC-niň ýeňil agramdaky (70 kilograma çenli) öňki çempiony, indi bolsa Şöhrat zalynyň agzasy, russiýaly ýyldyz Habib Nurmagomedow bu gurama bilen özi hakda dokumental filmiň üstünde işleýändigini aýtdy.
"Häzirki wagtda men siziň adamlaryňyz bilen işleýärin (UFC-iň prezidenti Dana Uaýta ýüzlenýär), dokumental film üçin 25 töweregi kamera iberdiňiz. Hawa, soňky bäş günden bäri munuň üstünde işleýärin. Bilýänsiňiz, bu gaty köp wagt alýar. Häzirem bu adamlar maňa garaşýarlar " - diýip, Nurmagomedow sosial ulgamlarda göni ýaýlymda aýtdy.
Habib Nurmagomedow 34 ýaşynda. Söweşiji professional hökmünde 2008-nji ýylda ilkinji gezek 2012-nji ýylyň ýanwar aýynda UFC-de çykyş etdi. Dünýäniň iň güýçli guramasyndaky karýerasynda Nurmagomedow 13 söweş edip, hemmesinde ýeňdi.
2020-nji ýylyň oktýabr aýynda UFC 254 ýaryşynda Nurmagomedow ikinji tapgyrda amerikaly Jastin Getjini demikdiriji emel ulanyp ýeňdi we şondan soň karýerasyny tamamlaýandygyny mälim etdi.
