40 tonna golaý ynsanperwer ýük ýüklenen Türkmenistanyň IL-76 ýük uçary Primorskiý kraý sebitiniň howa menziline bardy. Howa menzilinde ýük uçaryny birinji wise-gubernator, sebitiň Hökümetiniň ýolbaşçysy Wera Şerbina garşy aldy diýip, sebit Ministrler Kabinetiniň metbugat gullugy habar berýär.
Türkmen ýük uçary sebitde tebigy hadysalardan ejir çekenlere egin-şeikleri, çaga iýmitini, ýassykdyr örtgüleri ýetirdi.
«Hut öz adymdan hem-de tutuş sebitiň adyndan türkmen halkynyň Milli Lideri Gurbanguly Berdimuhamedowa çuňňur sagbolsun aýdýaryn. Iberilen bu ýük bize diýseň wajyp. Bu ýükde çaga egin-eşikleri we iýmiti, ýassykdyr ýorganlar bar» diýip Şerbina belledi.
Şerbinanyň habar bermegine görä, tebigy tuoan sebäpli 72 sany ilatly nokada zyýan ýetdi. Bäş müň töweregi öý hojalyklaryny suw aldy. Häzirki wagtda sebite halkara ynsanperwer ýükleri gelip gowuşýar, Russiýanyň ähli künjeginden hem ýükleriň yzy üzülenok.
