24-nji awgustda Türkmenistanyň Dokma senagaty ministrliginiň hem-de Senagatçylar we telekeçiler birleşmesiniň Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasy bilen hyzmatdaşlykda degişli harytlardan we azyk önümlerinden ybarat bolan ynsanperwerlik kömegi Russiýa Federasiýasynyň Primorskiý kraý sebitine ugradyldy. Bu barada «Watan» habarlar gepleşiginde habar berildi.
Öň habar berşimiz ýaly, Türkmenistanyň Prezidenti Russiýa Federasiýasynyň Primorskiý kraý sebitinde tebigy hadysalaryň bolup geçendigini göz öňünde tutup, bu sebitiň çagalary üçin ynsanperwer kömegini taýýarlamak hem-de muzdsuz bermek barada tabşyryk berdi.
