Koreýanyň Ylym we tehnologiýalar institutynyň (KAIST) işläp düzüjileri dünýädäki ilkinji gumanoid robot-sürüjini hödürlediler. PIBOT adyny alan bu robot uçarlardan başga-da, ýerüsti ulaglary hem dolandyryp bilýär diýip, işläp düzüjiler belleýär. Bu barada incrussia.ru habar berýär.
Robot emeli intellektiň kömegi bilen dolandyrylýar, aeronawigasiýa kartalaryny we adatdan daşary ýagdaýlarda hereket protokollaryny ýatda saklap bilýär. Mundan başga-da, PIBOT adatdan daşary ýagdaýlarda alymlardan çalt baş çykaryp bilýär, hatda güýçli turbulentlikde hem geçirijileri dolandyryp bilýär we oturdylan kameralaryň kömegi bilen daşky gurşawyň ýagdaýyny seljerip bilýär.
“Gumanoid robotlar bar bolan uçarlaryň kämilleşdirilmegini talap etmeýär we uçuşlary awtomatlaşdyrmak üçin göni ulanylyp bilner” – diýip, PIBOT taslamasyna ýolbaşçylyk ediji Dewid Hençul Şim aýdýar.
Robotyň boýy 150 sm. PIBOT üçin öwrediji programmalar hökmünde çat-botlar, aýratynam, ChatGPT bilen işlemegiň usuly ulanyldy.
Häzirlikçe robot diňe awiasimulýatorda synagdan geçdi. Şeýle-de bolsa, işläp düzüjiler ony hakyky uçarda synagdan geçirmegi meýilleşdirýärler. Meýilnama görä, taslama 2026-njy ýyla çenli tamamlanar.
