Günorta Koreýanyň «Samsung» korporasiýasy arzan eplenýän smartfon çykarmagy meýilleşdirýär.
Bellenilmegine görä, «Samsung» eplenýän telefonlara has köp üns çekmek üçin arzan bahaly eplenýän smartfonlaryň bazaryna girmegi meýilleşdirýär. «Galaxy Z FE» diýlip atlandyrylýan bu enjam kompaniýanyň eplenýän smartfonlarynyň täze «Galaxy Z Fold6» we «Galaxy Z Flip6» nesli tanyşdyrylandan soň, 2024-nji ýylyň ortalarynda çykyp biler.
Koreý kompaniýasynyň arzan subflagmanlary öndürmek üçin «Galaxy FE» liniýasynyň bardygy bellenilýär. «Samsung» şol liniýada her ýyl şeýle enjamlary, şol sanda eplenýän ekrany bolan smartfonlary öndürmegi göz öňünde tutýar.
«Galaxy Z FE-niň» «Galaxy Z Fold 6» bilen «Galaxy Z Flip 6» smartfonlarynyň haýsysynyň arzan nusgasy boljakdygy heniz belli däl.
