Kataryň Taslamalar we miras boýunça ýokary komiteti 2022-nji ýylda Katarda futbol boýunça dünýä çempionaty geçirilende ulanylan 173 tonna mahabat önüminiň saud kompaniýasy tarapyndan gaýtadan ulanyljakdygyny habar berdi. Muny forbes.kz ýetirýär.
Poliesterden bolan bu materiallar öň stadionlarda we beýleki desgalarda daşlyklar, bannerler we haýatlar hökmünde ulanyldy diýip, Komitetiň metbugat relizinde bellenilýär.
“Öň çäreleri guraýjylar poliesteri ekologiýa taýdan howpsuz usul bilen gaýtadan ulanmak meselesine duçar bolupdylar. Biz ekologiýa taýdan howpsuz çözgüdi tapmagy borç edindik, bu hem bizi bu hyzmatdaşlyga getirdi” – diýip, Komitetiň durnukly ösüş boýunça ýerine ýetiriji müdiri Bodur Al Meýer Saud Arabystanynda plastigi gaýtadan işleýän iň uly kompaniýalaryň biri bolan Saud Top Plastics bilen hyzmatdaşlyga ünsi çekdi.
Gaýtadan alnan çig mal plýonka we gaplama ýaly täze önümleri öndürmek üçin plastik bölejiklerine gaýtadan işlener diýip, Komitet belleýär.
Kompaniýa ýaryşdan tas 80 göterim galyndynyň gaýtadan işlenjekdigini, galan böleginiň bolsa zir-zibilleri gaýtadan işleýän zawoda iberiljekdigini nygtady.
