Serbiýaly tennisçi Nowak Jokowiç Açyk döwürde 95-nji ATP kubogyny gazandy. Netijede, ol iň köp titully tennisçileriň reýtinginde arassa üçünji orna çykdy. Bu barada championat.com habar berýär.
Serbiýaly dünýäniň öňki birinji raketkasy, "Uly tuwulga" ýaryşlarynyň sekiz gezek ýeňijisi Iwan Lendlden öňe geçdi.
Rekord "Uly tuwulga" ýaryşlarynyň sekiz gezek ýeňijisi amerikaly Jimmi Konnorsa degişlidir. Onuň hasabynda 109 kubok bar. Ikinji orunda şweýsariýaly Rojer Federer ýerleşýär (103).
Ýatlap geçsek, Sinsinnatide geçirilen ýaryşyň final oýnunda Jokowiç dünýäniň birinji raketkasy ispaniýaly Karlos Alkarasy 5:7, 7:6 (9:7), 7:6 (7:4) hasabynda utdy. Olar kortda 3 sagat 49 minut wagt sarp etdiler. Sinsinnatidäki ýaryşyň baýrak gaznasy 6,6 mln dollar boldy.
