"Tawrida. ART" forumynda 2024-nji ýylda Soçide geçiriljek Bütindünýä ýaşlar festiwalynyň tumary hödürlendi. Ol Çeburaşka boldy diýip, Regnum habarlar agentligi habar berýär.
Geljekki çäräniň nyşanynyň tanyşdyrylyşy gala-konsertiniň dowamynda baş sahnada geçirildi. Çeburaşkanyň uly şekili sahnada gyzyl şar bilen peýda boldy.
Festiwala gatnaşmak üçin arzalary kabul ediş 24-nji iýunda başlandy. Bütindünýä ýaşlar festiwaly 2024-nji ýylyň 1-nji martyndan 7-nji marty aralygynda Soçide geçiriler. Ol halkara derejesindäki uly göwrümli ýaşlar çäresi bolup, 180-den gowrak döwletden 20 müňden gowrak gatnaşyjyny ýygnar.
