Apple iPhone ulanyjylary üçin duýduryş berdi. Kompaniýa gurluşy ulanyjylara zarýad alýan smartfonyň gapdalynda ýatmazlygy berk maslahat berýär. Muny championat.com ýetirýär.
Öndüriji iPhone smartfonyny diňe gowy ýelejiredilýän otagda zarýada goýmagy maslahat berýär. Şeýle-de, zarýad wagty gajeti ýassygyň, ýorganyň ýa-da bedeniň aşagynda goýmaly däl, sebäbi şeýle ýagdaýda smartfon gyzyp, hatardan çykyp biler.
Zarýad beriş kabeline birikdirilen gurluşyň ýanynda ýatmak ýangyna, elektrik togunyň urmagyna, şikes ýetmegine, gajetiň ýa-da emlägiň zaýalanmagyna getirip biler.
Mundan başga-da, kompaniýa başga bir öndürijileriň zarýad beriji gurluşlaryny ulanmazlygy maslahat berýär. Apple-iň wekilleriniň aýtmagyna görä, şeýle harytlar kompaniýanyň howpsuzlyk standartlaryna laýyk gelmän biler.
