Montereýdäki awtoulag hepdeliginde Lamborghini Lanzador elektrik konseptini hödürledi. Aşagy beýik, 2 + 2 orunlyk üç gapyly grand-turýeriň dizaýny, resmi suratlaryň ýaýramagy sebäpli premýeradan öň doly açylypdy, ýöne indi kompaniýa birnäçe jikme-jiklikleri aýdyňlaşdyrdy. Öndüriji, nazarlary özünde eglejek ulagyň diňe bir 2028-nji ýylda önümçiligine başlanjak takyk bir batareýaly modeliň öňbaşçysy bolman, eýsem markanyň beýleki täze önümleri üçin niýetlenen tehnologiýalaryň sergisidigini öndüriji habar berdi.
Lamborghini Lanzador adaptasiýa amortizatorly pnewmopodweskany, doly gözegçilik edilýän şassini we iki oky-da elektrik hereketlendirijili doly tigirli ulgamy aldy. Iň ýokary güýji 1 megawattdan geçýär - bu 1360 at güýjündenem köp. Elektrik hereketlendirijileri özbaşdak dolandyrylýar, bortdaky elektronika has ynamly öwrülmek üçin oklaryň we yzky tigirleriň arasynda güýçleriň paýlanyşyny üýtgedip biler.
Agzalan yzyna gaýtarylmany batareýanyň täze bir nesli üpjün edýär, jikme-jiklikleri entek elýeterli däl: Lamborghini diňe bir zarýad aralygynyň “uly” boljakdygyny aýtdy. Tehniki direktor Ruwen Moryň sözlerine görä, kompaniýa elektrikleşdirmegi boýnuňa dakylýan çäklendirme hökmünde däl-de, öndürijiligi we dolandyrylyşy ýokarlandyrmaga mümkinçilik diýip bilýär. Güýjüň, sürmek lezzetiniň we netijeliligiň arasynda deňagramlylyk döretmekde işläp düzüjiler eglişik etmek islemeýärler: geljekdäki önümçilik elektrik awtoulagy “gündelik sürülmäge laýyk Lamborghini” bolmaly.
