Zenanlaryň dünýä çempionatynda üçünji ýer ugrundaky oýunda Şwesiýanyň milli futbol topary Awstraliýany 2:0 hasabynda ýeňdi. Duşuşyk Awstraliýanyň Brisben şäherinde geçirildi.
Topy Fridolina Rolfýo (11 metrlik pen., 30-njy minut) we Kosoware Aslani (62) tora girizip tapawutlandylar.
Şwesiýanyň zenan futbolçylar topary dördünji gezek dünýä çempionatynda bürünç medal gazandy. Topar öň 1991, 2011 we 2019-njy ýyllarda üçünji orny eýeläpdi. 2003-nji ýylda şwesiýalylar dünýä çempionatynda kümüş medal gazandylar. Awstraliýalylar dünýä çempionatynda iň gowy netijäni görkezdiler. Ondan öň Awstraliýanyň topary üç gezek (2007, 2011, 2015) çärýek finala çykdy.
Angliýa bilen Ispaniýa ýaryşyň finalynda oýnar. Iki topar hem dünýä çempionatynyň finalyna ilkinji gezek çykdy. Duşuşyk 20-nji awgustda Sidneýde bolar, oýny aşgabat wagty bilen 15:00-da başlamak meýilleşdirildi.
2023-nji ýylda zenanlaryň dünýä çempionaty dokuzynjy gezek geçiriler, ýaryş 20-nji iýuldan 20-nji awgust aralygynda Awstraliýada we Täze Zelandiýada geçirilýär. Bäsleşigiň häzirki ýeňijisi 2019-njy ýylda finalda gollandiýaly garşydaşlaryny (2: 0) ýeňen ABŞ-nyň toparydyr. Häzirki ýaryşda amerikalylar ilkinji gezek dünýä çempionatynyň çärýek finalyna çykyp bilmedi, jerime urgusynda şwesiýalylardan ýeňildi.
