«Realme» «C53» smartfonynyň satuwyny ýola goýdy. Bu barada lenta.ru kompaniýanyň web sahypasyndaky maglumata salgylanyp habar berýär.
Enjamyň tapawutly aýratynlygy «mini-kapsula», ýagny smartfonyň ekranynyň ýokarsyndaky ýörite animasiýasyndadyr. Onuň kömegi bilen enjamyň ekranynda duýduryşlar, akkumulýatoryň ýagdaýy baradaky habarlar we beýleki maglumatlar peýda bolýar. Fewral aýynyň ahyrynda «9to5Google» neşiriniň žurnalistleri bu aýratynlyga ünsi çekip, onuň «iPhone 14 Pro» we «14 Pro Max» smartfonlaryndaky «Dynamic Island» bölümine meňzeýändigini bellediler.
Şeýle hem enjam 6,74 dýuýmlyk IPS ekrany, «Unisoc Tiger T612» prosessory, 6 gigabaýt operatiw ýat we 128 gigabaýt goşmaça ýat bilen üpjün edildi. Smartfonda 0,3 megapiksel durulykly kömekçi sensorly 50 megapiksellik esasy kamera ýerleşdirildi. Bu enjam sekuntda 30 kadr ýygylyk bilen 1080 piksel durulykda wideo ýazgy etmäge ukyplydyr.
«Realme C53» smartfonynda 5000mAs sygymly akkumulýator ýerleşdirilip, ol 33Wt çalt zarýad beriji bilen üpjün edildi.
