Internetde täze «R-FON» atly rus smartfonynyň suratlary we aýratynlyklary baradaky maglumat paýlaşyldy. Surat Sosial ulgamlaryň we messenjerleriň professional ulanyjylarynyň assosiasiýasynyň başlygy Wladimir Zykowyň «Telegram» sahypasynda peýda boldy.
Smartfon «ROSA» Maglumat tehnologiýalarynyň ylmy-tehniki merkeziniň inženerleri tarapyndan işlenilip düzüldi. Täze enjam «R-FON» diýlip atlandyrylýan, ol «ROSA mobile» operasion ulgamynda işlär. Smartfonda 6,7 dýuýmlyk displeý, 8 gigabaýt operatiw ýat we 128 gigabaýt goşmaça ýat ornaşdyryldy.
Şeýle hem enjam 50 megapiksel durulykly obýektiwi bolan esasy kamera, 5000 milliamper-sagat sygymy bolan akkumulýator bilen üpjün edildi. «R-FON» barmak yzy sensory bilen enjamlaşdyrylandyr, onda iki sany SIM karta üçin bölüm, Wi-Fi, Bluetooth, NFC ulgamlary bardyr.
Wladimir Zykowyň bellemegine görä, «ROSA mobaýl» operasion ulgamy 2023-nji ýylda işewür düzümlere we hökümet agzalaryna elýeterli bolar. Operasion ulgamyny sarp ediş bazaryna 2024-nji ýylda çykarmak meýilleşdirilýär. «Operasion ulgamyň ähli aýratynlyklary we interfeýsi tanyşdyrylýança gizlin saklanýar!» diýip, awtor sözüni jemledi.
