«Apple» «iPhone 15» smartfonlaryny «iPhone 14-e» görä has az öndürer diýip, lenta.ru «9to5Mac» neşirine salgylanyp habar berýär.
Bellenilmegine görä, Amerikanyň IT ägirdi ýylyň ahyryna çenli 77 million sany «iPhone 15» smartfonyny çykarar. Ondan öň «Apple» azyndan 83 million nusgany ýerlemegi meýilleşdirýärdi. Şeýlelikde, korporasiýa smartfonlaryň önümçiligini azaltmaga mejbur bolar.
Smartfona islegiň peselmegi sebäpli enjamlaryň önümçiliginiň azaldylýandygy bellenilýär, çünki «iPhone 15 Pro» we «15 Pro Max» enjamlary 2022-nji ýylda çykan nusgalara garanyňda, has gymmat bolar. Bu täze prosessorlaryň, kameralaryň we beýleki gymmat gurluşlaryň ulanylmagy bilen baglanyşyklydyr.
Şeýle hem «Apple» kompaniýasy üpjün edijilerden ýeterlik mukdarda içki gurluşlaryň gelip gowuşmazlygyndan gorkýar. «Sony» sensorlarynyň, titandan ýasalan çarçuwalaryň we täze öň panelleriniň ýetmezçilik etmegine garaşylýar.
