«Apple» korporasiýasy kompýuterlerine «Face ID» biometriki howpsuzlyk ulgamyny girizip biler diýip, lenta.ru habar berýär.
Mälim bolşyna görä, žurnalistler ABŞ-nyň Patent we söwda belgisi edarasynyň (USPTO) web sahypasynda peýda bolan «Apple-iň» täze patenti bilen tanyşdylar. Onda kompýuteri gurnalan «Face ID» ulgamy bilen açmak mümkinçiligi bolan kompýuter nusgasy barada beýan edilýär.
Korporasiýanyň inženerleri «Mac» kompýuterlerinde gulplamagyň täze usulynyň peýda bolmagyny ulanyjylaryň enjamlarynda gizlin maglumatlary saklaýandyklary we goraga mätäçdikleri bilen düşündirdiler. Şeýle hem hünärmenler jenaýatçylaryň paroly görmek ýa-da ýazmak arkaly şahsy maglumatlary ogurlap biljekdiklerini bellediler.
Resminamada «ýagtylyk şekillerini tanamak modulynyň» kompýuteriň ekranyna ýerleşdirilmegi üçin kiçijik bolmalydygy nygtalýar. Inženerler modulyň ýagtylyk detektoryndan we şöhlelendirijiden ybaratdygyny bellediler – ikinjisi infragyzyl şöhlelenmäni proýektirlär.
«Face ID» ulgamy 2017-nji ýyldan bäri «Apple» smartfonlarynda ulanylýar, displeýiň ekran bölüminde gurnalýar. 2021-nji ýylda kompaniýa «monogaşly», emma ýüzüň şekili esasynda gulpdan açmak aýratynlygy bolmadyk ilkinji kompýuterini çykardy.
