“PSŽ-niň” täze oýunçysy, hüjümçi Usman Dembele täze möwsümde 10-luk belgide çykyş eder. Bu barada Pariž klubunyň metbugat gullugy habar berýär diýip, championat.com belleýär.
Öň, 10-njy belgi ýakynda Saud Arabystanynyň” Al-Hilýal” klubuna geçen Neýmara degişlidi. “Barselonada” çykyş eden wagty Dembele 7-nji we 11-nji belgilerde oýnady.
Neýmardan başga-da, dürli döwürlerde “PSŽ-de” 10-luk belgi bilen Ronaldinýo, Hawýer Pastore we Zlatan Ibragimowiç ýaly futbolçylar çykyş etdi.
Dembele “Barselonadan” “PSŽ-e” 50 mln ýewro geçdi. Ol parižliler bilen bäş ýyllyk şertnama baglaşdy. 2022/2023-möwsüminde oýunçy “Barselona” üçin ähli ýaryşlarda 34 oýna gatnaşyp, sekiz gol we dokuz netijeli geçirim bilen tapawutlandy. Transfermarkt portalynyň maglumatlaryna görä, oýunçynyň takmynan bahasy 60 mln ýewro barabar.
