Amerikaly ýazyjy Stiwen King “Elini gysyşmadyk adam” atly hekaýasyna bolan hukugy Özbegistandaky WGIK-nyň filialynyň talyby Gulnara Iwanowa 1 dollara satdy we ol hekaýanyň esasynda film surata düşürdi. Bu barada režissýor RTVI teleýaýlymynda gürrüň berdi diýip, rbc.ru belleýär.
Iwanowanyň aýtmagyna görä, ol Kingiň dünýäniň dürli künjeklerinden ýaňy režissýorlyk işine başlanlara öz eserini ulanmaga rugsat berýän Dollar Baby programmasyna gatnaşdy.
Netijede, Iwanowanyň filmi Malaýziýada geçirilen Nitiin International Film Festival kino festiwalynda “Iň gowy triller” kategoriýasynda ýeňiji boldy. Kingiň eserinde eli degen her bir adamyň ölýändigi sebäpli, adamlar bilen el gysyşmakdan ýüz öwren Genri Brouer barada gürrüň berilýär.
Stiwen King öz eserleriniň birnäçesi üçin awtorlyk hukugyny 1 dollara satdy. Satyn alanlaryň arasynda aktýor Ben Stiller we režissýor Darren Aranofski hem bar.
