Margo Robbi “Barbi” filminiň girdeji ýygymyndan gonorar we göterim görnüşinde, takmynan, 50 mln dollar gazanar. Ol bu filmde baş keşbi ýerine ýetirdi. Bu barada “Variety” neşiri habar berýär diýip, forbes.kz belleýär.
Robbi filmde Barbiniň keşbini oýnamakdan başga-da, bu lentanyň prodýuseri bolup çykyş etdi. Ol 2014-nji ýylda adamsy Tom Akerli we dostlary Jozi Maknamara hem-de Sofiýa Kerr bilen bilelikde esaslandyran LuckyChap Entertainment kompaniýasy arkaly “Barbi” filmine prodýuserlik etdi. Neşiriň belleýşi ýaly, filmiň üstünlikli girdeji ýygymyndan bonusy “Barbiniň” režissýory we ssenariýasynyň awtordaşy Greta Gerwig hem alar.
“Barbi” filminiň dünýä prokaty 21-nji iýulda başlady. Kartina ilkinji gezek hakyky dünýä bilen ýüzbe-ýüz bolan Mattel kompaniýasynyň meşhur gurjagynyň durmuşy barada gürrüň berýär. Margo Robbiden we Raýan Goslingden başga-da, filmde Simu Lýu, Emma Maki, Uill Ferrell we beýlekiler peýda bolýar. Premýerasyndan bäri “Barbi” dünýä prokatynda 1,18 mlrd dollardan gowrak girdeji gazandy. Bu Warner Bros. kompaniýasynyň taryhynda ikinji iň girdejili reliz we zenan režissýor tarapyndan surata düşürilen iň girdejili filmdir.
