Gazagystan 2026/27-nji ýyllarda Ýetginjekleriň futbol boýunça Ýewropa çempionatyny (19 ýaşa çenli oýunçylar) geçirmek üçin ýüz tutdy. Muny Gazagystanyň futbol federasiýasynyň (KFF) prezidenti Adlet Barmenkulow habar berdi.
“2026/27-nji ýyllarda Ýewropanyň ýetginjekler çempionatyny (19 ýaşa çenli) geçirmek barada ýüz tutuldy, onda ýaryşlary iki şäherde – Alma-Atada we Çimkentde guramak teklip edildi. Eýýäm sentýabr aýynda bu meseläniň jogabyny alarys” diýip, KFF metbugat gullugy onuň sözlerini getirýär.
Barmenkulow 2022-nji ýylda Ýewropa Futbol Assosiasiýalary Bileleşiginiň (UEFA) 19 ýaşa çenli gyzlaryň arasynda Ýewropa çempionaty-2022/23-iň saýlama ýaryşlarynyň oýunlaryny geçirmegi Gazagystana ynanandygyny ýatlatdy.
Onuň sözlerine görä, çempionat "Alma-Atada üstünlikli geçirildi we bu ýurduň ýokary hilli halkara çärelerini guramaga ukyplydygyny tassyklaýar".
