«OnePlus» kompaniýasy kuwwatly demir gabarasy we rekord mukdarda ýady bolan «Ace 2 Pro» atly sublagman smartfonyny tanyşdyrdy.
Smartfon 1,5K durulykly we täzeleniş ýygylygy 120 Hz bolan 6,74 dýuýmlyk BOE Q9 + AMOLED ekrany bilen üpjün edildi. Şeýle hem giňişlik-impuls modulýasiýasynyň ýygylygy 2160 Hz we iň ýokary ýagtylygy 1600 nit bolar. «Ace 2 Pro-nyň» displeýinde şekiliň hilini gowulandyrmak, şeýle hem ýagyşda datçigiň duýgurlygyny ýokarlandyrmak üçin ýörite «Pixelworks X7» çipi ornaşdyryldy. Emma öndüriji enjamyň suwdan goraglylyk derejesini aýdyňlaşdyrmady.
«OnePlus Ace 2 Pro» «Qualcomm-yň» «Snapdragon 8 Gen 2» flagman çipi, iň ýokary modifikasiýasynda 24 GB operatiw ýat 1 TB çenli goşmaça ýat bilen üpjün edilendir.
Enjamyň kamera bölümi üç sensor bilen hödürlenýär: optiki şekil stabilizasiýasy bolan 50 MP-lik esasy Sony IMX890 kamerasy, 8 megapiksellik ultra giň burçly obýektiw we 2 Mp durulykly çuňluk sensory. Frontal kamerasy bolsa 16 megapiksel durulykdadyr.
5000mAs sygymly akkumulýatory bolup, ol 150 Wt çalt zarýad beriji bilen üpjün edilýär. «OnePlus Ace 2 Pro-da» hem «OnePlus 11» flagmanynda bolşy ýaly, stereodinamikler, NFC moduly, ses tertibini üýtgedijiler we güýçli yrgyldy motory ornaşdyryldy.
Täze smartfon ýaşyl we çal reňklerde, şeýle hem «Genshin Impact» oýnunyň muşdaklary üçin ýörite şekilde elýeterlidir.
