Amerikaly aýdymçy Madonna bakterial infeksiýa sebäpli hassahana ýerleşdirilmeginden we reanimasiýada birnäçe gün geçirmeginden soňra konsert çärelerini dowam etdirmekçidigi hakynda aýtdy. Bu barada «People» neşiri habar berýär.
Ýyldyzyň kesellemegi sebäpli yza süýşürilen «Celebration» atly gezelenç çykyşlary 14-nji oktýabrda başlanar. Aýdymçynyň çykyş etjek ilkinji şäheri London bolar. Ol Beýik Britaniýanyň ýene üç şäherinde konsert berer, şondan soň beýleki Ýewropa ýurtlaryna: Belgiýa, Daniýa, Şwesiýa, Ispaniýa, Portugaliýa, Fransiýa, Germaniýa, Italiýa we Niderlandlara gider. 13-nji dekabrda Madonna Bruklinde konsert berer, şondan soň ABŞ-nyň demirgazyk bölegine gezelenç çykyşlaryny dowam etdirer.
28-nji iýunda aýdymçynyň huşsuz ýagdaýda tapylandygy we keselhana ýerleşdirilendigi habar berildi. Onda bakterial infeksiýa döräp, estrada ýyldyzy intensiw bejeriş bölüminde birnäçe gün geçirmäge mejbur boldy.
