Russiýada «Pixar» studiýasyndan «Ulaglar» multfilminiň «Kopeýka» atly milli görnüşi surata düşüriler. Bu barada lenta.ru habar berýär.
Mälim bolmagyna görä, bu taslama «Grom» film kompaniýasy tarapyndan hödürlendi. Animasiýa filminiň sýužetinde awtoulaglaryň dünýäsi barada gürrüň berilýär, onuň baş gahrymany bolsa rus öndürijileriniň awtoulaglarydyr. Dost awtoulaglaryň başdan geçirmeleri diňe bir Russiýada däl, Hytaýda, Hindistanda we arap ýurtlarynda-da bolup geçýär.
Filmi döredijiler rus syýasatçylaryny taslamanyň kiçi keşplerine çekmek isleýändiklerini hem bellediler. Olaryň bellemeklerine görä, köp sanly syýasy işgär taslama gatnaşmaga razy boldy.
«Ulaglar» filmi 2006-njy ýylda ýaýlyma çykdy we prokatda, takmynan, 462 million ABŞ dollaryny ýygnady. 2011-nji ýylda filmiň ikinji bölümi çykdy,ol takmynan, 560 million dollar gazandy.
