Ýaponiýanyň inženerleri ofis işgärleriniň dik duran ýerinde ymyzganyp bilýän ýörite kapsulasyny oýlap tapdylar Kapsula "žiraf" sözi bilen sazlaşýan at aldy – bu goşa toýnakly haýwanlar, esasan, gijelerine dik ýagdaýda dynç alýarlar.
Kapsula şkafa ýa-da telefon kabinasyna meňzeýär. Şeýle-de bolsa onuň içinde bedeniň agramyny goldaýan we daşardan gelýän sesi gapýan ýörite platformalar bar.
Kapsula iki reňkde - futuristik "älem" we "tokaý" görnüşinde görkezilýär. Ol elektrik ýelpewaç, ýangyn söndüriji, tüsse detektory, petik we pol yşyklandyryşy we eşik asar ýaly çeňňekler bilen enjamlaşdyrylandyr. Şol bir wagtyň özünde petik aýrylýar – bu dynç alynýan wagty açyk howadan dem almak üçin edilýär.
Öndüriji täze önümini Hokkaýdoda çykarar. Bu şäherde stoluň başynda uklamak adaty zat. Kompaniýanyň sözlerine görä, bu oýlap tapyş "işewürligi we saglygy goraýyşy ösdürmäge" mümkinçilik berer.
