GDA agza ýurtlaryň döredijilik we ylmy intelligensiýasynyň XVI forumy 12-13-nji sentýabr aralygynda Bişkekde geçiriler. Arkalaşygyň ýurtlaryndan 200-den gowrak delegat oňa gatnaşmak üçin Gyrgyzystanyň paýtagtyna geler. Bu barada GDA agza ýurtlaryň Ynsanperwer hyzmatdaşlygyň döwletara gaznasynyň web sahypasynda habar berildi.
Forumyň temasy - "Medeniýetleriň özara täsiri arkaly - arkalaşyga we parahatçylyga tarap". Umumy mejlislerde we ýöriteleşdirilen bölümlerde alymlar, mugallymlar we sungat işgärleri bilimde hyzmatdaşlygyň täze formatlaryny, meýletinçilik hereketiniň çäginde ýaşlaryň başlangyçlaryny we medeniýetler arasyndaky gepleşikleri ara alyp maslahatlaşarlar.
Merkezi panel çekişmesi milletara aragatnaşygyň serişdesi hökmünde Rus diliniň ýyly diýlip yglan edilen, GDA-nyň 2023-nji ýyldaky esasy mowzugyna bagyşlanar.
Forumda GDA-nyň döwletara baýraklary bolan "Arkalaşygyň ýyldyzlary" we "Ilkinjileriň arkalaşygy" baýraklarynyň gowşurylyş dabarasy, şeýle hem GDA-nyň ýaşlar simfoniki orkestriniň çykyşy bolar.
Forumyň çäginde ilkinji gezek GDA-nyň Döwlet maglumat agentlikleriniň baştutanlarynyň geňeşiniň mejlisi we GDA-nyň teatrlar birleşikleriniň ýolbaşçylarynyň tegelek stoly geçiriler.
Döredijilik we ylmy intelligensiýanyň forumlary Arkalaşygyň giňişliginde ýylyň esasy gumanitar wakasydyr. Olar GDA ýurtlarynyň paýtagtlarynda gezekli-gezegine geçirilýär.
2012-nji we 2019-njy ýyllarda Aşgabat Döredijilik we ylmy intelligensiýanyň forumyny iki gezek geçirdi.
