Prokatyň bäşinji hepdesiniň jemi boýunça “Missiýany ýerine ýetirmek mümkin däl 7” filminiň girdeji ýygymy 522,4 mln dollara ýetdi. Bu “Oppengeýmer” we “Barbi” ýaly bäsdeşleri göz öňünde tutsaň, seriýa üçin ýaramaz netije däl, ýöne studiýanyň we Tom Kruzyň garaşanyndan has pesdir diýip, championat.com belleýär.
“Ölümli ar alyş, Bölüm 1” pandemiýa döwründäki surata düşürmeler we önümçilikdäki köp sanly gijikdirmeler sebäpli taryhda iň gymmat filmleriň biri boldy. Analitikleriň hasaby boýunça, kartinanyň döredilmegine, takmynan, 291 mln dollar sarp edildi. Eger kinoteatrlaryň petekleriň satuwyndan gazanylan girdejiniň azyndan ýarysyny alýandygyny göz öňünde tutsaň, onda lenta prokatda harajaty ödemän-de biler.
Şeýlelik bilen, “Missiýany ýerine ýetirmek mümkin däl 7” filmine kinoteatrlarda önümçilige sarp edilen çykdajyny gaýtaryp almak üçin, takmynan, 650 mln dollar ýygnamak gerek. Ýöne girdeji ýygymynyň azalmagyny göz öňünde tutsaň, film Paramount Pictures üçin ýitgili bolup biler.
