Özbegistanyň demirgazyk-günbataryndaky Nukus şäherinde ýerleşýän «Panaev Farms» kompaniýasy koronawirusy ýok edýän süýt önümçiligini ýola goýdy diýip, lenta.ru ýurduň Ýokary bilim, ylym we innowasiýalar ministrliginiň metbugat gullugyna salgylanyp habar berýär.
Bu tehnologiýanyň üstündäki işler 2021-nji ýylda başlanypdy. Taslamany Özbegistanyň Innowasion ösüş agentligi Wena lukmançylyk uniwersiteti bilen bilelikde alyp bardy. Alymlar «Panaev Farms» kompaniýasynyň sygyrlaryna we geçilerine SARS-CoV-2-ä garşy «ZF-UZ-VAC2001» rekombinant özbek-hytaý sanjymyny etdiler. Soňky barlaglar sygyrlara ikinji sanjym edilenden 14 gün soň olaryň süýdünde wirusa garşy antibedenjikleriň emele gelip başlandygyny görkezdi.
Soňra pasterizirlenen süýt öndürmek boýunça synaglar geçirildi. Hünärmenler pasterizirleme işleri geçirilende süýt 62,5 gradusa çenli ýarym sagatlap gyzdyrylsa, onuň wirusa garşy häsiýetleriniň saklanyp galýandygyny ýüze çykardylar. Kompaniýa süýtden başga-da, beýleki immun süýt önümlerini öndürmegi meýilleşdirýär.
