Hindistanyň Himaçal-Pradeş ştatyndaky Siýathi obasynda bäş aýlyk güjük süýşgün wagty 67 adamy ölümden halas etdi. Gahrymana öwrülen itiň taryhyny The Independent gürrüň berdi.
30-njy iýun gijesi birnäçe hepde ozal obada öý tapynan it gaty ses bilen üýrüp, hojaýynyny ukudan oýardy. Erkek adam diwarda jaýrygy we öýe suwuň syzýandygyny görüp, gyssagly ýagdaýda goňşulara howp barada duýdurdy.
Birnäçe minutdan palçyk akymy obany basyp, öýleriň aglabasyny weýran etdi. Diňe käbir jaýlar abat galdy.
Şol wagta çenli ýaşaýjylar Naýna-Dewi ybadathanasynda gizlenip ýetişdi. Ştatyň häkimiýetleri zyýan çeken maşgalalara 10 000 rupiýa (takmynan, 115 dollar) möçberde gyssagly kömek berdi.
20-nji iýundan bäri Himaçal-Pradeşde musson ýagyşlary sebäpli azyndan 78 adam heläk boldy. Siýathiniň ýerleşýän Mandi okrugy has güýçli zyýan çekdi. Iki hepdäniň içinde sebitde 16 süýşgün boldy, 150-den gowrak ýollar böwetlendi, ýüzlerçe öýlere bolsa zeper ýetdi ýa-da weýran boldy.
