Xiaomi kompaniýasy tanyşdyryş dabarasynda Redmi K60 Ultra smartfonyndan we Xiaomi Pad 6 Max planşetinden başga-da, Band 8 Pro “akylly” sagatlaryny hödürledi.
Bu gurluş 1,74 dýuým ölçegli ulaldylan AMOLED displeýine eýe boldy, bu Band 7 Pro-dan 0,1 dýuým uludyr. Displeýiň durulygy 480x336 piksele barabar.
Gajetiň goşmaça zarýad bermezden iş wagty hem artdyryldy, indi gurluş 12 gün däl-de, 14 gün zarýad bermezden işläp bilýär. Eger Always-on Display funksiýasyny işjeňleşdirseň (displeý öçürilende ekranda zerur maglumatlary yzygiderli görkezmek), onda fitnes-bilezik akkumulýatoryň bir zarýadynda alty güne çenli işläp biler.
Şeýle-de, Xiaomi Band 8 Pro-nyň ýürek urmasynyň ýygylygyny we ganyň kislorod bilen baýlaşma derejesini kesgitlemäge jogap berýän kämilleşdirilen iki kanally optiki datçigi bar. Bulardan başga-da, sagatlar NFC çibine (golaýdaky gurluşlar bilen maglumatlary paýlaşmak üçin) we GPS kabul edijisine eýe boldy. Sport bilen meşgullanmak üçin treker 150-den gowrak türgenleşik usulyny hödürlär, 5ATM suwdan goraglylyk bolsa basseýnde ýa-da açyk suwda ýüzmäge mümkinçilik berer, ýöne çuňluga gitmek mümkin däldir.
Täze sagatlaryň bahasy 55 dollara barabar.
